कोरोना संक्रमणबाट थप १८ जनाको मृत्यु

कोरोना भाइरस संक्रमणका कारण थप १८ जनाको मृत्यु भएको छ ।

काठमाडौंमा ३ जना, कास्कीका ३ जना, सुनसरी २ जना दाङमा २ जना कैलालीमा २ जना, उदयपुरमा १ जना, सिन्धुलीमा १ जना, रामेछापमा १ जना, ललितपुरमा १ जना, बागलुङमा १ जना र नवलपरासीमा १ जनाको मृत्यु भएको  सम्बन्धित जिल्लाका अस्पतालले जानकारी दिएका छन्

मृतकको विवरण

धरान उपमहानगरपालिका–१६ सुनसरीकी ८१ वर्षकी महिलाको शुक्रबार दिउँसो २ बजे बीपी कोइराला स्वास्थ्य विज्ञान प्रतिष्ठानमा मृत्यु भएको छ । १९ कात्तिकमा कोरोना संक्रमण पुष्टि भएपछि उनी २० गते अस्पताल भर्ना भएकी थिइन् । उनमा हाइपरटेन्सनको समस्या थियो ।   धरान उपमहानगरपालिका–१२ सुनसरीकी ७८ वर्षकी महिलाको बीपी कोइराला स्वास्थ्य विज्ञान प्रतिष्ठानमा कात्तिक २० गते राति ११ बजे मृत्यु भएको छ । कात्तिक २० गते संक्रमण पुष्टि भएकी उनको सोही दिन अस्पताल भर्ना भएकी थिइन् ।  कटारी नगरपालिका उदयपुरका १४ वर्षका बालकको बीपी कोइराला स्वास्थ्य विज्ञान प्रतिष्ठानमा शुक्रबार विहान ९ : ५० बजे मृत्यु भएको छ । १२ कात्तिकमा संक्रमण पुष्टि भएका उनी १६ कात्तिकमा अस्पताल भर्ना भएका थिए । उनी क्षयरोगका बिरामी थिए । जोरपाटी काठमाडौंका ८६ वर्षका पुरुषको कात्तिक २० गते मृत्यु भएको छ । निमोनिया भई कात्तिक १३ गते अस्पताल भर्ना भएका उनमा सोही दिन संक्रमण पुष्टि भएको थियो । उनी उच्च रक्तचापको बिरामी थिए । काठमाडौंका ९२ वर्षका पुरुषको कात्तिक २० गते मृत्यु भएको छ । निमोनिया भई कात्तिक ११ गते अस्पताल भर्ना भएका उनमा कात्तिक १३ गते संक्रमण पुष्टि भएको थियो । छाउनी काठमाडौंकी ५७ वर्षकी महिलाको शुक्रबार मृत्यु भएको छ । स्वासप्रश्वास र मुटुको समस्या भई कात्तिक १९ गते अस्पताल भर्ना भएकी उनमा कात्तिक २० गते संक्रमण पुष्टि भएको थियो ।

महालक्ष्मी नगरपालिका ललितपुरका ९५ वर्षका पुरुषको कात्तिक २० गते मृत्यु भएको छ । कात्तिक १९ गते अस्पताल भर्ना भएका उनमा कात्तिक २० गते संक्रमण पुष्टि भएको थियो । उनी दमको बिरामी थिए । कमलामाई नगरपालिका सिन्धुलीका ६७ वर्षका पुरुषको कात्तिक १८ गते मृत्यु भएको छ । कात्तिक १३ गते अस्पताल भर्ना भएका उनमा कात्तिक १७ गते संक्रमण पुष्टि भएको थियो । सुनापाती रामेछापकी ७० वर्षकी महिलाको कात्तिक २० गते मृत्यु भएको छ । कात्तिक १७ गते संक्रमण पुष्टि भएकी उनी कात्तिक १८ गते अस्पताल भर्ना भएकी थिइन् । पोखरा महानगरपालिका– १७ कास्कीका ७५ वर्षका पुरुषको शुक्रबार विहान ९ बजे गण्डकी मेडिकल कलेजमा मृत्यु भएको छ । उनमा कात्तिक १४ गते कोरोना संक्रमण पुष्टि भएको थियो । पोखरा महानगरपालिका कास्कीका ३० दिने शिशुको शुक्रबार विहान १२ः १५ बजे मृत्यु भएको छ । उनमा स्वासप्रश्वास र निमोनियाको समस्या थियो । पोखरा महानगरपालिका–१० कास्कीका ५७ वर्षका पुरुषको पोखरा स्वास्थ्य विज्ञान प्रतिष्ठानमा कात्तिक २० गते राति साढे ११ बजे मृत्यु भएको छ । २ कात्तिकमा संक्रमण पुष्टि भएका उनमा निमोनिया र हाइपरटेन्सनको समस्या थियो । जैमिनी नगरपालिका–९ बागलुङका २९ वर्षका पुरुषको कात्तिक २० गते राति ८ः ५० बजे पोखरा स्वास्थ्य विज्ञान प्रतिष्ठानमा मृत्यु भएको छ । कात्तिक ८ गते कोरोना संक्रमण पुष्टि भएका उनमा निमोनियासम्बन्धी समस्या थियो । बर्दघाट नगरपालिका–१ नवलपरासीका ४७ वर्षका पुरुषको बिहीबार राति कोरोना अस्पताल बुटवलमा मृत्यु भएको छ । ११ कात्तिकमा संक्रमण पुष्टि भएका उनी १२ कात्तिकमा अस्पताल भर्ना भएका थिए । उनमा मधुमेह, उच्च रक्तचाप र पित्तथैलीसम्बन्धी समस्या थियो । तुल्सीपुर उपमहानगरपालिका–१० दाङकी २० वर्षकी महिलाको शुक्रबार दिउँसो नेपालगञ्ज मेडिकल कलेज कोहलपुरमा मृत्यु भएको छ । प्रसुति सेवा लिन कात्तिक १६ गते अस्पताल भर्ना भएकी उनमा कात्तिक १८ गते संक्रमण पुष्टि भएको थियो । लमही नगरपालिका–१० दाङका ६४ वर्षका पुरुषको भेरी अस्पतालमा बिहीबार राति ९ बजे मृत्यु भएको छ । कात्तिक १४ गते कोरोना संक्रमण पुष्टि भएपछि उनलाई दाङको बेलझुण्डीस्थित कोरोना विशेष अस्पतालमा भर्ना गरिएको थियो । स्वास्थ्यमा समस्या देखिएपछि १९ कात्तिकमा नेपालगञ्ज लगिएको थियो । गौरीगंगा नगरपालिका–३ कैलालीका वडाध्यक्ष ६३ वर्षका नरेन्द्रबहादुर शाहको शुक्रबार विहान ६ः२५ बजे मृत्यु भएको छ । कोरोना संक्रमण पुष्टि भएपछि उनी १० दिनदेखि सेती अस्पतालमा उपचाररत थिए । टीकापुर नगरपालिका–१ कैलालीकी ५६ वर्षकी महिलाको शुक्रबार नेपालगञ्ज मेडिकल कलेज शिक्षण अस्पताल कोहलपुरमा मृत्यु भएको छ । कात्तिक २० गते अस्पताल भर्ना भएकी उनमा सोही दिन संक्रमण पुष्टि भएको थियो ।

Leave a Reply

Your email address will not be published. Required fields are marked *