पोर्चुगलको-घुम्ती-शिविरमा-३-हजार-८२९-जनाले-गरे-राहदानी-नवीकरण

पोर्चुगलको घुम्ती शिविरमा ३ हजार ८२९ जनाले गरे राहदानी नवीकरण

३० साउन २०८१, बुधबार | शुचि खबर

नेपालको राहदानी विभाग र फ्रान्सको पेरिसस्थित नेपाली राजदूतावासले पोर्चुगलको राजधानी लिस्बनमा गरेको राहदानी नवीकरण घुम्ती शिविरमा तीन हजार ८२९ जनाले सेवा लिएका छन् ।

२०२४ को २ अगस्टदेखि १३ अगस्टसम्म पोर्चुगलकामा सञ्चालित घुम्ती शिविरमा ३ हजार ८२९ नेपालीले राहदानी नवीकरण गराएका दूतावासले जनाएका छन् । जसमा १२१ नाबालक, ३ हजार ३८० नवीकरण र ३२८ हराएका सम्बन्धी राहदानी थिए । घुम्ती शिविरबाट ७ करोड २० बराबरको राजस्व संकलन भएको फ्रान्सको पेरिसस्थित नेपाली दूतावासले जनाएको छ ।

घुम्ती सेवामा राहदानी विभागका निर्देशक र शाखा अधिकृत तथा नेपाली राजदूतावास पेरिसबाट तृतीय सचिव र स्थानीय कर्मचारी सहभागी थिए । गैरआवासीय नेपाली संघको राष्ट्रिय समन्वय समिति पोर्चुगलले कार्यक्रमको व्यवस्थापन गरेको थियो ।