गण्डकी। दसैँलगत्तै देशभर आएको बाढीका कारण पोखराको पर्यटनमा प्रत्यक्ष असर परेको छ ।

मौसम विभागको पूर्वानुमानसँगै सम्भाव्य जोखिमलाई दृष्टिगत गरी असोज १८ गतेदेखि २० गतेसम्म गरिएको अत्यावश्यक बाहेकका सार्वजनिक यातायात सञ्चालनमा रोक एवम् देशका विभिन्न स्थानमा परेको पानीका कारण पर्यटकको आगमन प्रभावित बनेको हो ।

यस अघिका वर्षमा दसैँको टीका सकिएसँगै पोखरा घुम्न आउने पर्यटकका कारण पोखराका होटेलमा कूल क्षमताको ८० प्रतिशत भन्दा बढी भरिभराउ हुने गरेकोमा यसवर्ष सो सङ्ख्या घटेर ३० प्रतिशतमा सीमित भएको होटेल सङ्घ नेपाल पोखराका अध्यक्ष लक्ष्मण सुवेदीले जानकारी दिनुुभयो ।

दसैँको टीका लगाएसँगै पूर्णिमासम्म बिदा हुने भएकोले देशका विभिन्न भागबाट बिदाको उपयोग गर्न पारिवारिक भ्रमणमा पोखरा आउने प्रचलन अत्याधिक रहेको उहाँले बताउनुुभयो ।

“अघिल्ला वर्षहरूमा दसैँपछि कोजाग्रत पूर्णिमाको दिनमा त यहाँका होटेलमा कोठा नै पाउन मुस्किल हुन्थ्यो”, उहाँले भन्नुुभयो, “यस वर्षत अधिकांश होटेलहरूमा पर्यटकको सङ्ख्या अत्यन्त न्यून रहेको छ ।”रासस

आज आइतबारका लागि यस्तो छ विदेशी मुद्राको विनिमय दर

पेट्रोल र डिजलको मूल्य बढ्यो

यस्तो छ आज २९ गतेका लागि विदेशी मुद्राको विनिमय दर

आजका २८ गतेका लागि तोकियो विदेशी मुद्राको विनिमय दर

५० रुपैयाँ दरका ४२ करोड थान नोट छाप्न सम्झौता

एकैदिन ५ हजार ९ सय रुपैयाँले बढ्यो सुन, तोलामा साढे २ लाख नाघ्यो