माछापुच्छ्रे बैंकको मूल्य समायोजन

नेपाल स्टक एक्सचेञ्ज (नेप्से) ले माछापुच्छ्रे बैंक लिमिटेड (MBL) को मूल्य समायोजन गरेको छ। बैंकले लाभांश तथा साधारण सभा प्रयोजनार्थ बुकक्लोज गरेसँगै नेप्सेले शेयरमूल्य समायोजन गरेको हो।

नेप्सेले ७.०३ प्रतिशत बोनस शेयर समायोजन गरी बैंकको शेयरमूल्य २३१ रुपैयाँ ७१ पैसा तोकेको छ। नेप्सेले अघिल्लो कारोबार दिन अर्थात बुधबारको अन्तिम कारोबार मूल्य २४८ रुपैयाँका आधारमा समायोजन गरेको हो।

बैंकले १०.४० प्रतिशत लाभांश प्रस्ताव पारित गर्न कात्तिक ६ गते, बिहीबार, होटल पोखरा ग्राण्ड, पार्दि, पोखरामा बिहान ११ बजे बाइसौँ साधारण सभा डाकेको छ।