राजस्थानको तेस्रो जीत, हैदरावाद ५ विकेटले पराजित
इन्डियन प्रिमियर लिग (आईपीएल) क्रिकेटमा राजस्थान रोयल्सले तेस्रो जीत हात पारेको छ ।
युएईमा जारी १३ औं संस्करणको आईपीएल क्रिकेटमा राजस्थानले सनराइजर्स हैदराबादलाई ५ विकेटले पराजित गरेको हो ।
दुबई अन्तराष्ट्रिय क्रिकेट मैदानमा भएको खेलमा हैदराबादले दिएको १ सय ५९ रनको लक्ष्य राजस्थानले १९ ओभर ५ बलमा ५ विकेट गुमाएर भेट्टायो ।
राजस्थानको जितमा राहुल टेवाटिया र रियान परागले उत्कृष्ट प्रदर्शन गरे ।
जितसँगै राजस्थानले ७ खेलमा ६ अंक जोडेको छ । राजस्थान तालिकाको छैटौं स्थानमा उक्लिएको छ ।
हैदराबादले भने ७ खेलमध्ये चार खेलमा हार र ३ खेलमा जितसहित ६ अंक जो जोडेको छ ।
