शेयर बजारमा २८.८९ अंक बढीले वृद्धि, ४ अर्ब माथिको कारोबार

शेयर बजार सूचक मापक नेप्से सूचक बुधबार १ हजार ७०७ बिन्दुमा पुगेको छ । २८.८९ अंकले बढेको बुलिस बजारमा १९५ कम्पनीका १ करोड २५ लाख २३ हजार ६५१ कित्ता शेयर ३६ हजार ८९३ पटक खरीद बिक्री हुँदा कारोबार रकम ४ अर्ब ९ करोड ९६ लाख ४ हजार ७४२ रुपैयाँको शेयर कारोबार भएको हो ।

 

कारोबारमा आएका १२ उपसमूहका सूचकमध्ये वित्त बाहेक सबै उपसमूहमा हरियाली छाएको छ । ब्यापार सूचक सबैभन्दा धेरै ९.९९ प्रतिशतले बढेको बजारमा उत्पादमूल ६.२९ प्रतिशत, म्युचुअल फण्ड ४.९८ प्रतिशत, अन्य ४.१२ प्रतिशत र निर्जीबन बीमा ४.०२ प्रतिशतले बढोत्तरी भएको छ ।

 

आज नेपाल टेलिकमको सबैभन्दा धेरै २५ करोड ९० लाख रुपैयाँको शेयर कारोबार भएको छ । यसैगरी हिमालयन डिष्टिलरी १८ करोड ८६ लाख, एनआईसी एशिया बैंकको १५ करोड ६५ लाख, नागरिक लगानी कोषको १५ करोड ४५ लाख, नेपाल लाइफको १५ करोड १५ लाख, र नेपाल रि इन्सयोरेन्सको १५ करोड १० लाखको कारोबार भएको छ ।
शिवम् सिमेन्ट, अपि पावर, शिखर इन्स्योरेन्स, र सूर्या लाइफको शीर्ष कारोबार भएको छ ।

Leave a Reply

Your email address will not be published. Required fields are marked *