नेकपा सचिवालय बैठक बस्दै

लामो समयदेखि संघर्षमय देखिएको सत्तारुढ दल नेपाल कम्युनिस्ट पार्टी (नेकपा)को सचिवालय बैठक आज बस्दै छ ।
आज अपराह्न ४ बजे प्रधानमन्त्रीनिवास  बालुवाटारमा बैठक बस्न लागेको हो ।

बैठकमा कुन कुन एजेन्डामा छलफल हुने भन्नेबारेमा तय भइनसकेको भए पनि अध्यक्ष केपी शर्मा ओली पक्ष र अर्का अध्यक्ष पुष्पकमल दाहाल प्रचण्ड पक्ष आ–आफ्नो अनुकूलका एजेन्डा प्रभावकारी बनाउन रणनीति बुनेका छन् ।

अध्यक्ष दाहालसहित अन्य पाँच नेताहरूले सचिवालय बैठक बोलाउन माग गर्दै आएको र कुन–कुन एजेन्डामा बैठक बस्ने भन्ने निश्चित भएपछि मात्र बैठक बोलाउने अडानमा रहेको ओली पक्षबीच एजेन्डामा सहमतिविना बैठक डाकिएको छ ।

जसले गर्दा आजको सचिवालय बैठकमा दाहाल पक्ष आफुसँग बहुमत सदस्य रहेकाले सोहीअनुसार बैठकमा प्रस्तुत हुने रणनीति अख्तियार गरेको स्रोतले जनाएको छ । त्यसैगरी ओली पक्ष दाहाल पक्षको प्रस्तुतिअनुसार आफ्नो रणनीति अघि सार्ने पक्षमा रहेको देखिएको छ ।

Leave a Reply

Your email address will not be published. Required fields are marked *