काठमाडौं शीर्ष स्थानमा रहदै प्लेअफमा
काठमाडौं रेजर्स शीर्ष स्थानमा रहदै पहिलो संस्करणको फ्रेन्चाईज फुटबल प्रतियोगिता नेपाल सुपर लिग (एनएसएल) को प्ले अफमा प्रवेश गरेको छ ।
आइतबार भएको लिग चरणको अन्तिम खेलमा एफसी चितवनलाई २-१ गोल अन्तरले पराजित गर्दै काठमाडौं शीर्ष स्थानमा रहदै प्ले अफमा पुगेको हो ।
त्रिपुरेश्वरस्थित दशरथ रंगशालामा काठमाडौंलाई जित दिलाउन मेसौके ओलोमोउ र संजोक राईले एक एक गोल गरे ।
खेलको ४० औं मिनेटमा राजिब लोप्चनले गोल गर्दै चितवनलाई २-१ को स्थितिमा ल्याए । सुनिल श्रेष्ठको प्रहार काठमाडौंका गोलकिपर विनायक श्रेष्ठले रोकेपछि आएको रिबाउन्डमा राजिबले गोल गरेका हुन् ।
यस्तै ८४ औं मिनेटमा पनि प्रिजेन गोल गर्न चुके । पेनाल्टी क्षेत्रभित्र रहेका प्रिजेनको प्रहार चितवनका गोलकिपर रोमनले उत्कृष्ट बचाउ गरे ।
जितसँगै काठमाडौंले ६ खेलमा १३ अंक जोड्यो ।
अब काठमाडौंले प्ले अफमा दोस्रो स्थानको धनगढी एफसीसँग खेल्नेछ ।
चितवनले भने पुछारमा रहदै प्रतियोगिताको अन्त्य गरेको छ ।
चितनले ६ खेलमा २ अंक जोड्यो ।