शतप्रतिशत यात्रु राखेर उडान गर्न पाइने
आन्तरिक उडान गर्ने सबै वायुसेवा प्रदायक कम्पनीले अब शतप्रतिशत सिट क्षमतामा नै यात्रु उडाउन पाउने भएका छन्। शुक्रबार मन्त्रालयमा बसेको बैठकले पूर्ण सिट क्षमतामा नै उडान गर्न दिने निर्णय गरेको हो।
गत सोमबार मन्त्रिपरिषद् बैठकले सिट क्षमताको ५० प्रतिशत मात्र यात्रु राखेर असोज ५ गतेबाट उडान गर्न अनुमति दिने निर्णय गरेको थयो। तर निजी हवाई सेवा प्रदायक कम्पनीको छाता संगठन वायुसेवा संघले ५० प्रतिशत मात्रै यात्रु राखेर उडान गर्न नसक्ने बताउँदै मन्त्रालयमा असहमति राखेका थिए।